11.10.2023 жылы Астана қаласында «ТехноГруппСервис» ЖШС компаниясының Серіктесі Жомарт Момынбаев  ҚР Энергетика Вице-министрі Ж.Д. Нұрмағанбетовтың ұсынысы бойынша Қзақстандық «QAZAQ GREEN» ЖЭК қауымдастығы ұйымдастырған ЖЭК бойынша ашық диалогқа қатысты. Іс-шараға ҚР Электр энергетикасы саласымен тікелей байланысты мемлекеттік және квазимемлекеттік ұйымдардың басшылары, сондай-ақ Қазақстанда ЖЭК объектілерін салу жобаларын іске асыратын іскерлік қауымдастық өкілдері қатысты. Кездесу барысында ЖЭК саласындағы отандық өңдеу индустриясын қорғау және қолдау көрсету мәселелері, жаңартылатын энергия көздерін дамыту мен ықпалдастықтың өзекті мәселелері, елдің энергожүйесінің қаржылық тұрақтылығы мен тұрақтылықты  қамтамасыз ету шаралары талқыланды.  

Жомарт Момынбаев  ҚР қолданыстағы Заңнамасына өзгерістер енгізу және салық салу, кедендік баждар бойынша қолданыстағы жеңілдіктерді жою, импортталатын ЖЭК материалдары мен жабдықтары үшін пайыздық мөлшерлемені субсидиялау туралы ұсыныс жасады. Бірқатар уағдаластықтарға қол жеткізілді, тараптар айтылған ұсыныстар мен мәселелерді пысықтауға келісті.

Кездесу сындарлы диалог түрінде өтті. Қорытындылай келе, ҚР Энергетика Вице-министрі Ж.Д.Нұрмағанбетов қатысушыларды ЖЭК ірі жобаларын іске асыру кезінде мүдделерді қорғау, энергия жинақтау жүйелерін қолдану, өткен 3 айдағы ЭТН қызметін талдау және т.б. мәселелерінде өздеріне тән белсенділік танытуға шақырды.

Біз өз тарапымыздан  «QAZAQ GREEN» ЖЭК қауымдастығының Директорлар Кеңесінің Төрағасы Н.Н. Капеновтың тұлғасында  осы кездесуді ұйымдастырушыларға бизнес пен мемлекеттік органдар мен ұйымдардың өкілдері арасындағы диалогты ұйымдастырғаны үшін шын жүректен алғысымызды білдіреміз.

11.10.2023 ж. «Қазақмыс» Корпорациясының Политехникалық колледжінің студенттері үшін болашақ мамандарды ЖЭК технологияларымен, электртехникалық жабдықтарды жөндеу және пайдалану, станцияның үздіксіз энергия өндіру үшін жоғары техникалық дайындығын қамтамасыз ету бойынша міндеттермен таныстыру мақсатында «Балқаш» 50 МВт КЭС  экскурсия ұйымдастырылды.

Күн станциясының басшысы Талғат Басалов студенттерге күн станцияларының электр энергиясын өндіру қағидаттары, күн энергиясын пайдаланудың экологиялық тазалығы мен артықшылықтары туралы айтып өтті. Экскурсия студенттер арасында шынайы қызығушылық тудырды, студенттер өндірістік практикадан өту және кәсіпорында одан әрі жұмысқа орналасу туралы сұрақтар қоя алды.

ЖЭК объектілерінің басымдылықтарын дәріптеу  «ТехноГруппСервис» ЖШС миссиясы болып табылады және кәсіби қоғамдастықтар үшін экскурсиялар өткізу осы миссияны іске асырудың маңызды элементі және білім беруді жақсартуға, жұмысқа орналасуға, сондай-ақ климаттың өзгеруіне қарсы күрес пен қоршаған ортаны қорғауға бағытталған тұрақты даму саласындағы мақсаттарға толық сәйкес келеді.

«Қазақмыс» Корпорациясының Политехникалық колледжі» Жекеменшік мекемесіне болашақ мамандарға Қазақстан Республикасындағы «Қазақмыс» Корпорациясының» ОЭК  қатысуымен табысты іске асырылған ЖЭК жобаларын көрсетудегі ұмтылыстары үшін шын жүректен алғысымызды білдіреміз.

06.10.2023 жылы Астана қаласында «ТехноГруппСервис» ЖШС Компаниялар тобының өкілдері Жанар Нұрқанова және Шындаулет Қасымханов KAZENERGY ұйымдастыруымен өткен, жалпы жүлде қоры 3 000 000 теңге энергетика саласындағы стартаптарға арналған байқауға қатысты.  Қызметкерлердің идеясы төрт іріктеу кезеңінен өтіп, 1 000 000 теңге жүлде қорымен энергия тиімділігі саласындағы үздік стартап номинациясы бойынша жеңімпаз атанды.

Идеяның негізіне ЖЭК станцияларының энергия өндірісін бір тәулік бұрын болжау - Intech Forecast бойынша егжей-тегжейлі жұмыс алынды. Қазылар алқасы Қазақстанда  және де одан тыс жерлерде  электр энергиясы мен қуат нарығының тиімділігін арттыру үшін таңдалған жұмыстың өзектілігін бағалады. Стартапты пысықтау және теңшелген шешімдерді қолдану мүмкіндігі болған жағдайда оның бәсекеге қабілетті болуына барлық мүмкіндігі бар.

Байқауды ұйымдастырушылар  «Kazenergy» және Astana Hub мұнай-газ және энергетика кешені ұйымдарының қазақстандық қауымдастығына  энергетика саласының серпінді және тұрақты дамуына және «жасыл энергетика» жобаларына жәрдем көрсеткендері үшін шын жүректен алғысымызды білдіргіміз келеді.

02.10.2023 жылы «ТехноГруппСервис» ЖШС Серіктесі Жомарт Момынбаев академик Б.К. Момынбаев атындағы №278 мектеп-лицейінің директоры Эльмира Азатбаевамен бірге жоғары сынып оқушыларымен кездесу өткізді. Кездесу ашық диалог форматында өтті, диалог барысында оқушылар өздерін қызықтырған сұрақтарын қойып, өз жетістіктері туралы хабарлай алды. Соңғы екі жылда Мектеп үлгерім рейтингі бойынша жоғары деңгейге көтерілді, аяқтаған кезде сертификат бере отырып, 15 үйірме ашты, 7-8 сынып оқушылары арасында математика пәнінен олимпиада өткізді, сондай-ақ Облыстық білім басқармасынан марапаттарға ие болды.

Мектеп Президенті Жібек Қылышбек 8 фракциядан тұратын мектеп Парламентінің бар екендігі туралы ақпарат берді және  әрбір фракция жетекшілерімен таныстырды. Сондай-ақ, Жібек алдағы Мектеп Президентінің сайлауы туралы хабарлады, онда ол өз өкілеттігін тапсыруға, белсенді пікірталас өткізуге уәде берді.

Өз кезегінде Жомарт Момынбаев әкесі туралы естеліктерімен бөлісті, табысты оқу және қойылған мақсаттарға қол жеткізу үшін қандай қасиеттер қажет екені туралы айтып өтті, сондай-ақ «ТехноГруппСервис» ЖШС қызметі туралы  таныстыру рәсімін өткізді.

Мектеп-лицей директоры Эльмира Азатбаева кездесу нәтижелерін қорытындылады, болашақ жоспарларымен бөлісті және оқушыларды мектеп қабырғасында да, одан әрі ересек өмірде де белсенді болуға шақырды.