Қазақша
2024 жылғы Gender Climate Awards премиясы гендерлік теңдікті ілгерілету және Орталық Азияның аймақтық экономикалық ынтымақтастық (ЦАРЭС) аясында климаттың өзгеруі мәселелерін шешудегі елеулі жетістіктері үшін ЦАРЭС-ке мүше елдердің 15 көрнекті өкілі мен ұйымына 2024 жылдың 6 қарашасында Қазақстанның Астана қаласында өткен марапаттау рәсімінде табысталды. Бұл марапат гендерлік теңдікке, тұрақты дамуға, климаттың өзгеруіне бейімделуге және оның әсерін азайтуға белсенді қолдау көрсеткен тұлғалар мен ұйымдардың еңбегін тануға бағытталған.
Азия Даму Банкінің (АДБ) ынтымақтастық және интеграция мәселелері жөніндегі аймақтық жетекшісі Лязиза Сабырова өзінің құттықтау сөзінде марапат иелерінің гендерлік теңдік және климаттық тұрақтылық принциптеріне деген жоғары адалдығын атап өтті.
Марапат иегерлерінің қатарында Қазақстаннан «ТехноГруппСервис» ЖШС жасыл технологиялар орталығының жобалар менеджері Аружан Моминбаева болды. Аружанға берілген CAREC Gender Climate Awards сыйлығы оның жаңартылатын энергетиканы дамытудағы және Қазақстандағы экологиялық жауапкершілік пен кәсіби стандарттарға сай болудағы табанды еңбегі мен адалдығын мойындауды білдіреді.