14.09.2023 жылы Астана қаласында «ТехноГруппСервис» ЖШС компаниясының басшысы Жомарт Момынбаев «Атамекен»  ҚР Ұлттық Кәсіпкерлер палатасының өңдеу өнеркәсібі департаментінің басқарушы директоры Алмат Асқармен кездесті. Кездесу барысында талқылаудың негізгі тақырыптары отандық және шетелдік өндірушілердің ұстанымдарын теңестіру, сондай-ақ ЖЭК саласындағы отандық өңдеу индустриясын қолдау үшін заңнаманы үйлестіру мәселелері болды.

Естеріңізге сала кетейік, отандық бизнес өкілдерімен кездесу барысында Қазақстан Республикасының Президенті Қ.Қ.Тоқаев үкіметке қолдау шараларының тетіктерін сапалы қайта жүктеуді қамтамасыз етуді тапсырды және Мемлекет басшысының пікірінше, бизнес пен мемлекет арасындағы диалогтың негізгі арналарының біріне айналуы тиіс «Атамекен» ҰКП қызметінің мәселелеріне жеке тоқталды. Палатаны одан әрі трансформациялау, оның корпоративтік басқару сапасын арттыру талап етіледі. Палата кәсіпкерлердің шоғырландырылған пікірін толыққанды білдіріп, әлеуметтік-экономикалық реформалардың негізгі қозғаушы күштерінің бірі болуға тиіс, - деп атап өтті Мемлекет басшысы.

Жомарт Момынбаевтың ұсынысы бойынша отандық өндірушілер үшін жаңа қолдау тетіктерін немесе жеңілдіктерді енгізудің қажеті жоқ. Ең бастысы, ҚҚС, КТС және т.б. сияқты салықтардан бастап шетелдік өндірушілер пайдаланатын артықшылықтардың орасан зор қабатын алып тастау, сондай-ақ Қазақстанда ұқсас өндіріс болған кезде импорттық жабдықты сатып алуға бағытталған қарыздар бойынша пайыздық мөлшерлемелерді субсидиялауды жою. Тараптар «ТехноГруппСервис» ЖШС ұсыныстарын жан-жақты зерделеу бойынша қажетті ақпаратпен алмасу және одан әрі кеңес беру туралы келісімге келді.

2023 жылдың 12 қыркүйегінде Астана қаласында «Ақорда» резиденциясында өткен Қазақстан Республикасының Президенті Қ.Қ. Тоқаевтіңен іскерлік кездесуіне «ТехноГруппСервис» ЖШС серіктесі Момынбаев Ж.Б. қатысты. «ТехноГруппСервис» ЖШС жаңартылатын энергетика саласының жалғыз өкілі болды, бұл компанияның өсу әлеуетін және билік органдарының электр энергиясын өндіру саласында жүзеге асырылып жатқан жобаларға, сондай-ақ жаңартылатын энергия көздер (ЖЭК) жобаларна отандық өңдеу өнеркәсібін дамытуына деген сенімділігін көрсетеді.

қазақстандық бизнес өкілдерімен кездесуі барысында Қазақстан Республикасының Президенті Қасым-Жомарт Тоқаев кәсіпкерлерді мемлекеттік қолдау тетіктерінің тиімділігін арттыру мақсатында оларға көзқарасты қайта қарауды тапсырды. Жаңа «ойын ережелерін» және жаңа экономикалық саясатты жариялады. Президент ресурстардың аз кәсіпорындар арасында шамадан тыс шоғырлануын болдырмау және олардың тиімділігін бағалау үшін қолдау шараларын алушылардың ашық бірыңғай тізілімін құру қажеттігін көрсетті. Сондай-ақ Президент Қазақстанда жобаларды жүзеге асыруға 7 триллион теңге субсидияланғанын, сонымен қатар салық түсімдері небәрі 4,5 триллион теңгені құрағанын айтты.

Билік пен бизнес арасында құрылымды сұхбат болды, - деп Жомарт Момынбаев өз әсерімен бөлісті, - ел Президенті нарықтық экономикаға және мемлекет пен кәсіпкерлер арасында жаңа «әлеуметтік келісімшартты» жасауға бағыт ұстап тұр. «Бизнестің жол картасы-2025» бағдарламасы аясында несиенің пайыздық мөлшерлемесін субсидиялау арқылы мемлекеттік компанияны қолдау 2021-2022 жылдар арналығында 28,7 млн ​​теңгені құрады. Сонымен қатар, «ТехноГруппСервис» ЖШС осы кезеңде салық аударымдары 1 млрд. теңгеден астам соманы құрады, бұл біздің айтарлықтай экономикалық тиімділігімізді дәлелдейді - деді Момынбаев Ж.Б.

Біз Ұлытау облыс әкімі Берік Әбдіғалиұлына және «Атамекен» ҚР Кәсіпкерлерінің ұлттық палатасына Жоғары деңгейдегі кездесуге қатысуға мүмкіндік бергендері үшін шынайы алғысымызды білдіреміз.

Ұлытау облысының Жаңаарқа ауданында қуаты 1 ГВт жел электр станциясын (ЖЭС) салу жобасы аясында  «ТехноГруппСервис» ЖШС 20 000 га алаңда жел энергиясының потенциалын зерттеуге кіріседі. Серіктестік жобаны іске асыруға қолдау көрсеткені үшін  Ұлытау облысының және Жаңаарқа ауданының басшылығына шын жүректен алғысын білдіреді.

1 ГВт ЖЭС жобасын іске асыру «жасыл экономикаға» көшу жөніндегі Мемлекеттік Тұжырымдама аясында  жүзеге асырылады, Серіктестіктің жарғылық мақсаты ЖЭК көздерін Қазақстан мен Орталық Азияның энергия жүйесінде электр энергиясын өндірудің негізгі көзіне айналдыру болып табылады. Тұжырымдамаға сәйкес, Қазақстан Республикасында электр энергиясын өндірудің жалпы көлеміндегі ЖЭК үлесі 2030 жылға қарай 15%  құрауы тиіс. Президенттің Қазақстан халқына «Әділетті Қазақстанның экономикалық бағдары» Жолдауына сәйкес - қуат көздерін кеңейту ісі энергетикалық машина жасау саласында технология трансфертін жүзеге асырып, жергілікті өндірісті дамытуға, аккумулятор өнеркәсібін құруға негіз болады.

1 ГВт ЖЭС жобасын іске асыру компанияның ESG саясатына және «ТехноГруппСервис» ЖШС қызметінің негізгі бағыттарына, атап айтқанда тұрақты даму мүддесіндегі білімге, технологиялық инновацияларға, гендерлік теңдікке, мүдделі тараптармен ынтымақтастыққа және Серіктестіктің GBF-де көрсетілген БҰҰ № 4, 5, 7, 8, 9, 12, 13, 17 ТДМ қамтитын болашақ серіктестіктерге сәйкес келеді. Мәселен, жаңа жел энергиясы  объектісін іске асыру барысында 300-ден астам жаңа жұмыс орны құрылатын болады: құрылыс сатысында 300 адам, ал сервистік қызмет көрсету сатысында-80 адам. Жоба кадрлары ретінде негізінен жергілікті тұрғындарың арасынан  мамандар тартылатын болады.

1 ГВт жел электр станциясын салудың бұл жобасы мақтан тұтарлық жоба болып табылады және ЖЭК жел жобалары саласында компанияның одан әрі өсуін ынталандырады. Бұл жоба Қазақстанның «жасыл» энергетикасының жаңа дәуірінің белгісі және бір мезгілде Қытайдың  осы  сала көшбасшыларымен ынтымақтастықты нығайтуға мүмкіндік береді.

«ТехноГруппСервис» ЖШС (ТГС) Президенттік «Алтын Сапа» байқауында «Қызмет көрсететін үздік кәсіпорын» номинациясы бойынша жеңіске жеткенін мақтанышпен хабарлайды. Мемлекет басшысының бастамасымен құрылған бұл беделді байқау жыл сайын ұлттық экономиканың дамуына айтарлықтай үлес қосып жүрген отандық бизнес көшбасшыларын марапаттайды.

Қазақстан тәуелсіздігінің 30 жылдығына орай ұйымдастырылған марапаттау рәсімі 2021 жылғы 7 желтоқсанда Астана қаласында өтті. Жоғары лауазымды тұлғалар мен іскерлік қауымдастық өкілдерінің қатысуымен өткен салтанатты шарада ТГС жаңартылатын энергия көздерін (ЖЭК) дамытуға бағытталған қызметімен осы номинацияда жеңіске жеткен алғашқы кәсіпорын ретінде тарихқа енді.

«Алтын Сапа» сыйлығы – өнім мен қызмет сапасының ерекше деңгейін көрсеткен компанияларға берілетін ең жоғары мемлекеттік марапат. Бұл сыйлық мемлекет деңгейінде мойындалудың символы болып табылады және жеңімпаздардың өз саласындағы көшбасшылық мәртебесін арттырады. Байқау жеңімпаздары инновациялылық, тұрақты даму, экологиялық жауапкершілік және экономикаға қосқан үлесі сияқты қатаң критерийлер бойынша бағаланады.

Шара барысында софиттердің жарығы мен фанфарлар үні астында марапатты табыстаған Қазақстан Республикасының қазіргі Премьер-Министрі Әлихан Асханұлы Смайылов «ТехноГруппСервис» ЖШС-ін құттықтап, зор табыстар тіледі. Оның сөздері компанияның экологиялық таза энергия мен инновациялық технологияларды дамытуға қосқан үлесінің маңыздылығын атап өтті.

«ТехноГруппСервис» ЖШС Қазақстанда жаңартылатын энергия көздерін дамытуға бағытталған жобаларды, оның ішінде күн электр станцияларын салу, заманауи технологияларды енгізу және экологиялық бастамаларды қолдау бойынша белсенді жұмыс атқаруда. «Алтын Сапа» байқауындағы жеңіс компанияның жоғары кәсібилігін, инновациялық тәсілін және тұрақты даму саласындағы стратегиялық көзқарасын растайды.

Ресми репортажды «Хабар» телеарнасы ұсынды.